ABŞ Yaponiyaya "Tomahawk" qanadlı raketlərinin tədarükünü İranla müharibə nəticəsində yaranan silah çatışmazlığı səbəbindən təxirə sala bilər.

Bu barədə "Financial Times" nəşri mənbələrə istinadən məlumat yayıb.

Məlumata görə, Yaponiya 2025-2027-ci maliyyə illəri ərzində 1 600 kilometr mənzilli 400 ədəd "Tomahawk" raketi almağı planlaşdırırdı. Lakin yaranmış vəziyyətə görə tədarük qrafiki təxminən iki il gecikə bilər.

Bundan əvvəl "Bloomberg" agentliyi də ABŞ-nin 2028-ci ilin mart ayına qədər Yaponiyaya 400 raket çatdıra bilməyəcəyini yazmışdı. Səbəb kimi isə Yaxın Şərqdəki gərginlik və ehtiyatların azalması göstərilir.

CSIS-in məlumatına əsasən, ABŞ İranla hərbi qarşıdurmanın ilk beş həftəsində 1 000-dən çox "Tomahawk" raketindən istifadə edib. Müharibə başlamazdan əvvəl isə ABŞ arsenalında təxminən 3 100 belə raket olub.