Amerikada atışma nəticəsində 4 nəfər ölüb, 3-ü yaralanıb
21-09-2018, 07:17
Cümə axşamı ABŞ-ın Merilend ştatının Aberdin şəhəri ətrafında baş verən silahlı insident nəticəsində azı 4 nəfər ölüb, daha 3-ü isə yaralanıb.
“Report” TASS-a istinadən xəbər verir ki, bu barədə mətbuat konfransında Harford dairəsinin şerifi Cefri Qeler məlumat verib.
"Yeddi nəfər, o cümlədən atəş açan şəxsin özü odlu silah yarası alıb. Onlardan üçünün sağ qalacağı gözlənilir. İki nəfər hadisə yerində, daha biri isə xəstəxanada ölüb", - deyə o bildirib.
Şerif əlavə edib ki, şübhəli qadın güllə yarasından ölüb.
