Avstraliyada yerləşən Böyük Sədd rifində köpəkbalığı 39 yaşlı balıqçını öldürüb. Kişini sudan çıxarsalar da, onun həyatını xilas etmək mümkün olmayıb.
Bu barədə "The Guardian" qəzeti Kvinslend polisinə istinadən yazır.

Bu, ilin əvvəlindən bəri Avstraliyada köpəkbalığı hücumu nəticəsində qeydə alınan üçüncü ölümcül hadisədir.

Faciə yastıburun və pələng köpəkbalıqlarının yaşadığı sularda baş verib. Həmin ərazidə ağ köpəkbalıqlarına da rast gəlinir. Balıqçıya məhz hansı növ köpəkbalığının hücum etdiyi hələlik müəyyən edilməyib.

Səlahiyyətli orqanlar hadisənin başvermə şəraitini araşdırırlar. Fövqəladə hadisənin baş verdiyi ərazi balıq ovu və su istirahəti üçün populyar məkanlardan biri hesab olunur.