ABŞ Dövlət Departamentinin rəhbəri Con Kerri Rusiyaya qarşı sanksiyalar mövzusunda Avropa Birliyi (AB) ilə aralarında fikir ayrılığı olduğunu etiraf edib. Axar.az xəbər verir ki, AB-nin Xarici Əlaqələr və Təhlükəsizlik Siyasəti üzrə Ali nümayəndəsi Federika Moqerini ilə görüşən Kerri yaxın vaxtlarda Rusiyaya qarşı sanksiyaların qüvvəyə minəcəyini deyib: “AB Minsk müqaviləsinin tam həyata keçirilməsi üçün Rusiyaya təzyiq edilməsində mühüm rol oynayır. Önümüzdəki aylarda sanksiyaların davam etdirilməsi məqsədilə çox əhəmiyyətli addımlar atılacaq. Sazişə riayət etmək Rusiya üçün çox vacibdir. Hazırda siyasi tələblər mövzusunda AB ilə aramızda fikir ayrılığı var. Lakin Minsk müqaviləsinin həyata keçirilməsi üçün AB ilə yaxından əməkdaşlıq edəcəyik”