Qafqaz Müsəlmanları İdarəsinin sədri Allahşükür Paşazadənin illər əvvəl etdiyi çıxış yenidən sosial şəbəkələrdə gündəm olub.

Globalinfo.az xəbər verir ki, təxminən 30 il əvvəl lentə alınan görüntülərdə Şeyxülislam həyatının çətin dövrlərindən danışır.

O, çıxışında yoxsulluq, ağır zəhmət və fiziki işlər gördüyünü bildirərək bunları imanla əlaqələndirib:

“Aclığı bilirəm, imkansızlığı bilirəm, pulsuzluğu bilirəm. Palçıq yoğurmaq bilirəm, kərpic kəsmək bilirəm, daş daşımaq bilirəm, hamballıq etmişəm. Bunların hamısını görmüşəm. Amma hamısını bir dinə qurban vermişəm. Demişəm ki, Allah-Təala mənə bunu nəsib edib”, – deyə o bildirib.

Allahşükür Paşazadə həmin çıxışında insanın həyatda qarşılaşdığı çətinliklərə inancla dözə bildiyini də vurğulayıb:

“Əgər adamda iman varsa, gələcəyinə inanırsa, o əziyyətlər ona ağır gəlməz. İnanırdım ki, Allah-Təala mənə xoşbəxt gələcək nəsib edəcək”, – deyə Şeyxülislam əlavə edib.