Türkiyə hərbi təyyarələri ABŞ liderliyindəki koalisiya qüvvələri ilə bərabər Hələbin şimalındakı İŞİD hədəflərinə hava zərbəsi endirib.

teref.az Türkiyə mediasına istinadən xəbərinə görə, bu hücumlarda 27 təşkilat üzvü öldürülüb.

Qeyd edək ki, hava sərhəddini pozan rus qırıcısını vurduqdan sonra Türkiyə indiyədək bu cür əməliyyatlarda ehtiyatlı davranmağa üstünlük verirdi. Hətta bir aralar qardaş ölkənin rus təxribatına şərait yaratmamaq üçün öz hava sərhədləri daxilində belə ehtiyatı əldən vermədiyi xəbərləri yayılırdı. Çünki hadisəni bəhanə edən Rusiya Aralıq dənizinə S-300 raketləriylə silahlanmış gəmilərini göndərərək, Ankaranın bu addımına cavab vermək istəyir, türk hərbi təyyarələrinin Suriya hava sərhədlərini pozması gözləyirdi. Bu gün rəsmən yayılan məlumat isə Türk Hava Qüvvələrinin Hələb ətrafında əməliyyat keçirdiyindən bəhs edir.

Görünən budur ki, Türkiyənin öz hava hücumlarını NATO mandatı altında həyata keçirməsi Moskvanın qisas almaq arzusunu gözündə qoyub.