Rusiya İqtisadi Strategiyalar İnstitutunun direktoru Aleksandr Ageyev İkinci Dünya Müharibəsi zamanı həlak olan 27 milyon sovet vəəndaşına səs hüququnun verilməsini təklif edib. Ageyev bunu onunla izah edib ki, bununla vəfat edənlər ölkədəki cari işlərə, inkişafa təsir edə biləcək. Bu adamların yerinə onların ailələri səs verə bilər.

O hətta bəyan edib ki, səs hüququ bir neçə əvvəlki nəslə də verilməlidir. Çünki onlar da ölkədəki proseslərə təsir hüququna malik olmalıdır.

Xatırladaq ki, bir müddət əvvəl Dumanın deputatı Dmitri Nosov iki və daha çox uşağı olan valideynlərə uşaqlarının yerinə səs hüququnun verilməsini təklif etmişdi. Dörd və daha çox uşağı olanlar isə əlavə iki səs hüququna malik olmalıdır.


Deputat bununla da səsverənlərin sayının və seçki fəallığının artacağını deyir.