ABŞ prezidenti Donald Tramp Ukrayna üzrə danışıqların yeni mərhələsinin keçiriləcəyi Florida ştatına getməyi planlaşdırır.

TASS-ın məlumatına görə, o bu barədə Ağ Evdə jurnalistlərə açıqlamasında bildirib.

Həmçinin qeyd edilib ki, ABŞ və Ukrayna arasında yeni danışıqlar raundu həftə sonunda hərbi və işçi qruplarının nümayəndələri səviyyəsində keçirilə bilər. Portalın müxbiri Barak Ravidin məlumatına görə, Böyük Britaniya, Almaniya və Fransanın milli təhlükəsizlik məsələləri üzrə müşavirləri dekabrın 20-də Mayamidə Ukrayna məsələsinə dair danışıqlarda iştirak edəcək və ABŞ prezidentinin xüsusi elçisi Stiv Uitkoff və Ukrayna Təhlükəsizlik və Müdafiə Şurasının katibi Rustem Umerоvla görüşəcəklər. Onlara Türkiyənin xarici işlər naziri və Qətərin baş naziri də qoşulacaq.

Bundan əlavə, bildirilib ki, Mayamidə ABŞ-nin təkcə Ukrayna nümayəndə heyəti ilə deyil, həmçinin Rusiya nümayəndələri ilə də danışıqlar planlaşdırılır. Məlumata görə, Uitkoff və Amerika liderinin kürəkəni Jared Kuşner Rusiya prezidentinin xarici ölkələrlə investisiya-iqtisadi əməkdaşlıq üzrə xüsusi nümayəndəsi Kirill Dmitriyevlə də görüşməyi planlaşdırırlar.