“Pilgrim Education” şirkəti ilə bağlı vətəndaş narazılıqları səngimək bilmir. "DİA-AZ" olaraq bu təhsil fırıldaqçılarını ifşaya davam edirik. Beləliklə, Fatimə Hüseyinli adlı vətəndaş belə yazır:

"Təəssüflər olsun ki, mən də onların qurbanı olmuşam. Fil qulağında yatdığımdan xəbər tutub ayılanda dəfələrlə üstlərinə getdik. Sonuncu gedişimdə Anamla məni gecə 11 -12 ə qədər şirkətlərində saxlayıb, məcburi şəkildə mənim əleyhimə olan müddəaları olan akt imzalatmağa çalışmışdılar. Təbii ki üstümə şər atılan sənədə öz əllərimlə imza çəkəsi deyildim. Sonuna qədər dirəndim. O qədər stress çəkmişdik ki, orda anamın halı pisləşdi. Gecə ambulans çağırası olduq... Bu faktı yazdım ki, görənlər olar, bir faydam dəydi bəlkə. Məndən sizə məsləhət uzaq durun o şirkətdən!!! Heç kəsin etdiyi yanına qalmır əmin olun..."

Həcər Zülfüqarova adlı bir başqa vətəndaş isə bunları qeyd edib:

"Eyni vəziuyətdəyəm hazırda, mənim də 2000 manat pulumu qaytarmırlar. 1 il yarımdı.. boşuna vaxtımı və pulumu mənimsəyiblər..."

Davamı mütləq olacaq... Bizi izləməyə davam edin...