Gəncədə maskalılar mağazadan 4 min manatlıq mal oğurlayıb.

Gəncə Şəhər Baş Polis İdarəsindən Publika.az-a verilən məlumata görə, hadisə ötən gecə şəhərin yeni Gəncə qəsəbəsində yerləşən ərzaq mağazasında baş verib.

Gəncə şəhər sakini Vüsal Zeynalova məxsus ərzaq mağazasından 4 min dəyərində siqaret, şirələr, kolbasa, energetik içkilər və digər məhsullar ogurlanıb. Həmçinin mağazadan 200 manat nağd pul da aparılıb. Mağaza sahibinin dediyinə görə, oğurluq edən 2 nəfər müşahidə kamerasına düşüb və maskalı şəxslər dükanın arxa pəncərəsinin şüşəsini qıraraq içəri giriblər.

Faktla bağlı Gəncə Şəhər Baş Polis İdarəsində araşdırma aparılır.
[media=https://www.youtube.com/watch?t=52&v=7YQq1uV_cjU]