Dövlət Statistika Komitəsi modern.az saytının yazılı sorğusunu cavablandırıb.


“Qafqazinfo”nun məlumatına görə, sorğu cinayət törətmiş qadınların ümumi sayı və bu sayda artımın olub olmaması, həmçinin son 5 ilin statistik göstəricisi ilə bağlı idi.

Qurumun ictimaiyyətlə əlaqələr şöbəsinin rəhbəri Rafael Süleymanov bildirib ki, cinayət törətmiş qadınların sayında ilbəil azalma müşahidə olunur: “2010-cü illə müqayisədə 2014-cü ildə cinayət törətmiş qadınların sayı 2.4 dəfə azalıb. Belə ki, 2010-cü ildə 2 318, 2011-ci ildə 2 074, 2012-ci ildə 1 677, 2013-cü ildə 1 012, 2014-cü ildə 971 nəfər cinayət törətmiş qadın olub”.