"Türkiyə Suriya sərhədinə qoşun yığır, ancaq bu regional qaydalara uyğun deyil". Axar.az xəbər verir ki, bu sözləri PKK-ya bağlı PYD-nin həmsədri Saleh Müslim bildirib. "Türk əsgərləri də Suriyaya girməyin tərəfdarı deyillər. Əvvəl də sərhədə qoşun toplamışdılar, ancaq yenə də Suriyaya girməyəcəklərini güman edirəm. Suriya ərazisinə ordu yeritmək böyük rezonans doğuracaq. Bu NATO, Rusiya, ABŞ və Suriyanın da daxil olduğu məsələdir. Rusiya Türkiyəyə icazə verməz ki, Suriyaya ordu yeridilsin", - Müslim vurğulayıb.