Mərkəzi Pensilvaniyada (ABŞ) kiçik təyyarə və ştat polisinin helikopterinin toqquşması nəticəsində bir nəfər həlak olub, iki polis əməkdaşı yaralanıb.

Yenicag.az xəbər verir ki, bu barədə ABŞ mediası Federal Mülki Aviasiya İdarəsinə (FAA) istinadən məlumat yayıb.

“Bu gün Karlayl hava limanında “Cessna 150H” təyyarəsi Pensilvaniya ştatı polisinin “Bell 407GX” helikopteri ilə toqquşub. Helikopter planlı təlim əməliyyatı həyata keçirirdi və uçuş-eniş zolağına enmişdi. “Cessna” helikopterin ardınca zolağa daxil olarkən arxadan ona çırpılıb”, – FAA-dan bildirilib./report/