Buğaların qırmızı rəngə əsəbiləşdiyi ilə bağlı uzun illərdir davam edən məşhur inancın elmi əsası olmadığı bildirilib.

Demokrat.az xəbər verir ki, mütəxəssislərə görə, buğa qırmızı rəngi insanlar kimi fərqləndirmir və heyvanın reaksiyasını rəng deyil, hərəkət müəyyən edir.

Mütəxəssislər bildirirlər ki, hücumu yaradan əsas səbəb rəng deyil, qarşısında sürətli və diqqətçəkici hərəkət edən obyektlərdir. Yəni örtük hansı rəngdə olursa-olsun, buğa oxşar reaksiyanı göstərə bilər.

Sabit rəngli obyektlərə xüsusi reaksiya verilmədiyi, lakin hərəkət edən hədəflərin buğanın diqqətini daha çox çəkdiyi qeyd olunur.

Qırmızı parça isə əsasən ənənəvi və vizual səbəblərlə istifadə olunur. Bu rəng həm tamaşa üçün estetik görüntü yaradır, həm də arenada yaranan ləkələrin daha az nəzərə çarpmasına kömək edir.