ABŞ Prezidenti Donald Tramp bəyan edib ki, müəyyən mərhələdə ABŞ İrana qarşı hərbi əməliyyatları bərpa etmək məcburiyyətində qala bilər və bu halda İran İslam Respublikasının mövcudluğu təhlükə altına düşəcək.

Ağ Evin rəhbəri bu barədə "Truth Social" platformasında paylaşım edib.

"Tamamilə mümkündür ki, onlar heç vaxt heç bir dərs götürməyəcəklər. Elə bir an gələ bilər ki, biz artıq ağlabatan davrana bilməyəcəyik və belə uğurla başladığımız işi hərbi yolla başa çatdırmağa məcbur olacağıq. Əgər bu baş verərsə, İran İslam Respublikası mövcudluğunu dayandıracaq", - deyə Tramp vurğulayıb.