ABŞ-nin birinci xanımı Melaniya Tramp həyat yoldaşının qalmaqallı maliyyəçi Cefri Epşteynlə yaxınlığı barədə yayılan iddiaları qətiyyətlə təkzib edib. Ağ Ev tərəfindən paylaşılan rəsmi bəyanatda Melaniya Tramp mətbuatda tirajlanan xəbərlərin reallığı əks etdirmədiyini bildirib.

Prezidentin xanımı Donald Trampla tanışlıq hekayəsinə aydınlıq gətirərək bu prosesdə Epşteynin heç bir rolunun olmadığını vurğulayıb. O qeyd edib ki, gələcək həyat yoldaşı ilə tamamilə təsadüf nəticəsində qarşılaşıb.

“O, məni Donald Trampla tanış etməyib. Biz təsadüfən tanış olduq”.

Birinci xanım bəzi kütləvi tədbirlərdə Epşteynlə eyni məkanda olmalarını inkar etməsə də, aralarında hər hansı şəxsi və ya işgüzar münasibətin mövcudluğunu rədd edib. Melaniya Tramp həmçinin maliyyəçiyə məxsus təyyarə ilə səyahət etmədiyini və onun adasında heç vaxt olmadığını da xüsusi diqqətə çatdırıb.

Demokrat.az