“Ukraynanın işğalında iştirak edən bir neçə rus hərbçisi qida çatışmazlığı səbəbindən kannibalizmə əl atıb”.

KONKRET.az xəbər veri ki, bu barədə “The Sunday Times” qəzeti təxminən on iki rus zabiti tərəfindən ələ keçirilən fotoşəkillər və səsli mesajlar da daxil olmaqla, Ukrayna hərbi kəşfiyyatına istinadən məlumat yayıb. Nəşrin məlumatına görə, “Hərbi Hava Hücumundan Müdafiə Qüvvələrinin qəhrəmanları”nın yoldaşlarını yediyi ən azı beş hal var.

Hadisələrdən biri 2025-ci ilin noyabr ayında Donetsk vilayətinin Mirnoqrad şəhəri yaxınlığında baş verib. Təqdim olunan dəlillərə görə, 51-ci Qvardiya Birləşmiş Silahlı Ordusunun 5-ci Qvardiya Motoatıcı Briqadasının 95-ci alayında xidmət edən “Topal” çağırış nişanı olan piyada iki əsgər yoldaşını öldürüb və onlardan birinin ayağını yeməyə çalışıb. Telegram mesajında anonim bir zabit bu barədə briqadanın kəşfiyyat batalyonunun komandir müavini Vladislav Razıkova məlumat verib. O, həmçinin kəsilmiş ayağın fotosu da daxil olmaqla fotoşəkillər təqdim edib. “The Sunday Times” qəzetinin məlumatına görə, şəkillər xüsusi proqram təminatı vasitəsilə təhlil edilib və heç bir manipulyasiya və ya redaktə izi aşkar edilməyib.

Görüntüləri araşdıran müstəqil hərbi cərrah xəsarətlərin döyüş xəsarətləri kimi görünmədiyini və çox güman ki, iti əşyadan qaynaqlandığını bildirib. Səs mesajlarında zabit görüntünü “hadisə” kimi təsvir edərək əsgərin zirzəmidə insan ətini kəsməyə çalışdığını iddia edir.

Digər şifrəli söhbətlərdə də kannibalizmdən bəhs olunur. Məsələn, ötən ilin aprel ayında “Most” çağırış işarəsi olan bir əsgər komandirinə “insan əti yeyən” əsgər yoldaşından şikayət etmişdi. 2025-ci ilin oktyabr ayında 1437-ci motoatıcı alayının komandiri tabeliyindəki əsgəri oxşar hərəkətlərdə günahlandırmış və ondan “insan yeməyi dayandırmağı” tələb etmişdi. Başqa bir mesajda 55-ci motoatıcı briqadasının qərargah rəisi kannibalizmi, eləcə də spirtli içki və narkotik istifadəsini açıq şəkildə qadağan edən bir əmr vermişdi.

Ukrayna tərəfi həmçinin bildirib ki, əsir götürülən rus əsgərlərinin sayının artması ərzaq çatışmazlığından xəbər verir. ABŞ Hərbi Dəniz Qüvvələrinin keçmiş kapitanı və Rand Corporation şirkətinin əməkdaşı Bredli Martin Rusiya ordusunun təchizat problemləri ilə bağlı xəbərlərin inandırıcı göründüyünü qeyd edərək, qoşunlara dəstək verilməsinin Rusiya komandanlığı üçün prioritet olmadığını qeyd edib.