Əfqanıstanın Müdafiə naziri Abdullah Habibi ilə Baş qərargah rəisi Qədim Şah Şahim istefa verib.
Ovqat.com-un bildirdiyinə görə, hər iki əfqan hərbi lideri ötən cümə günü Bəlx vilayətindəki korpusa edilən hücumdan sonra bu addımı atmağa məcbur olub.
Qeyd edək ki, həmin hücum zamanı əfqan Talibanı 140-dan artıq hərbçi və təhlükəsizlik xadimini öldürmüşdü.
Bu hücum həqiqətən də əfqan ordusunun imicinə ciddi zərbə vurmuş, böyük hərbi məğlubiyyət kimi tarixə düşmüşdü. Nədən ki, hücumu həyata keçirən Talibançıların cəmi 10 nəfərdən ibarət olduğu bildirilir. Əfqanıstanın ən qüdrətli hərbi bölümü sayılan 209-cu Şahin korpusunda terrorçuların özlərindən 14-15 dəfə çox dəfə çox əsgəri qətlə yetirməsi ordudakı nizam-intizamın və psixoloji hazırlığın yoxluğuyla izah edilir.
Hətta bəzi hərbi ekspertlərə görə, əfqan ordusu yaxın zamana qədər özünü toparlaya bilməsə, Taliblər 6 ay ərzində bütün ölkəni ələ keçirə bilərlər.