Cənubi Afrika Respublikasının (CAR) Ali Məhkəməsi Yohannesburq zooparkında saxlanılan üç filin hüquqlarının pozulması ilə bağlı analoqu olmayan bir işə baxır.

32gun.az bildirir ki, Yerli SABC radiostansiyasının verdiyi məlumata görə, məhkəmə iddiası iki heyvan haqları müdafiəsi təşkilatı və koy-koin xalqının ali rəhbəri tərəfindən qaldırılıb, iddiaçılara hüquqi dəstəyi isə Harvard Hüquq Məktəbinin aparıcı ekspertləri təmin edir. Şikayətdə qeyd olunur ki, Lammi, Ramadibe və Mopane adlı fillər futbol meydançasından bir qədər böyük olan qeyri-loqik və dözülməz şəraitdə saxlanılır. Prosesə cəlb olunan mütəxəssislərin rəyinə əsasən, bu heyvanlar dərin stress altındadır və onlarda ağır obsessiv-kompulsiv pozuntunun (sarışan hallar nevrozunun) simptomları müşahidə olunur.

Heyvan müdafiəçiləri fillərin dərhal zooparkdan çıxarılaraq ölkənin təbiət qoruqlarından birinə köçürülməsini tələb edirlər. İddiaçıların fikrincə, heyvanlara qarşı bu cür rəftar CAR konstitusiyasının hər kəsin sağlamlıq üçün təhlükəsiz mühitdə yaşamaq hüququnu təmin edən 24-cü maddəsinin pozulması deməkdir, çünki "ətraf mühitin rifahı" anlayışı birbaşa olaraq orada yaşayan vəhşi heyvanlarla humanist rəftarı da əhatə edir.