"Fransada 24 yaşlı Çin vətəndaşı Parisdəki Milli Təbiət Tarixi Muzeyindən (MNHN) qızıl külçələrin oğurlanmasında ittiham olunub".

"France Info" xəbər verir ki, bunu Parisin prokuroru Lor Beko deyib.

Onun sözlərinə görə, qara rəngli geyimli qadın sentyabr 16-da gecə vaxtı muzeyə daxil olub. Oğru mişar vasitəsilə qapıda A4 vərəqindən bir qədər böyük deşik açıb.

Cinayətkar içəri sürünərək külçələrin olduğu vitrinə çata bilib. O, vitrini lehimləmə lampası ilə sındırıb və altı kiloqram qızılla muzeyi tərk edib.

Qızılların dəyəri 1.5 milyon avro həcmində qiymətləndirilir.