Fransa millisinin baş məşqçisi Didye Deşamın anası vəfat edib.

Oxu.Az xəbər verir ki, bu barədə Fransa Futbol Federasiyası məlumat yayıb.

Bildirilir ki, mütəxəssis 2026-cı il dünya çempionatı zamanı milli komandanın ABŞ-də yerləşən düşərgəsini tərk edəcək.

Məşqçi doğmalarına mümkün qədər yaxın olmaq və dəfn mərasimində iştirak etmək üçün Fransaya qayıdır. Təcrübəli mütəxəssis iyunun 26-da millinin qrup mərhələsindəki son oyunu olan Norveçlə qarşılaşmada məşqçi skamyasında əyləşə bilməyəcək.

Didye Deşam geri dönənə qədər komandanı idarə etməyi köməkçisi Qi Stefana tapşırıb.

Qeyd edək ki, 2-ci turdan sonra Fransa seçməsi altı xal toplayıb və I qrupunun turnir cədvəlinə başçılıq edir.