Toyota proqram təminatı ilə bağlı problemlərə görə bir milyondan çox avtomobili geri çağıracaq.

"Toyota Motor" proqram təminatı ilə bağlı problemlərə görə 1,28 milyondan çox avtomobili geri çağıracaq.

Valyuta.az xəbər verir ki, bu barədə avtomobil istehsalçısının mətbuat açıqlamasında bildirilib.

"Panoramik görüntü idarəetmə sistemində proqram təminatının kifayət qədər inkişaf etdirilməməsi səbəbindən, mühərriki işə saldıqdan dərhal sonra geri dönmə kimi əməliyyatlar yerinə yetirilərkən, avtomobilin ətrafındakı ərazinin görüntüsü təhrif oluna bilər ki, bu da öz növbəsində təhlükəsizlik tələblərinə əməl edilməməsinə səbəb ola bilər", deyə qeyd edilib.

Geri çağırılma "Toyota Voxy", "Toyota RAV4" və "Toyota Prius", eləcə də "Lexus RX350", "Lexus RX450", "Lexus LS500" və digər avtomobillərə təsir göstərir.