İtaliyanın Bolonya əyalətində naməlum şəxslər süd kooperativinin anbarından 100 000 avro dəyərində parmezan pendirlərini oğurlayıblar.
Bu barədə "Il Resto del Carlino" nəşri məlumat yayıb.
Kooperativ rəhbəri Dario Zappolinin sözlərinə görə, naməlum şəxslər fövqəladə dəqiqlik və hazırlıqla hərəkət ediblər. Onlar iki avtomobillə arxadan fabrikə yaxınlaşıblar və işçilər evə getdikdən sonra əraziyə daxil olublar.
İlkin hesablamalara görə, oğrular hər biri 42 kiloqram ağırlığında olan 191 pendiri oğurlayıblar.