Hindistan kəndlərinin birində baş verən hadisə ev heyvanının sahibinə sədaqətini bir daha nümayiş etdirib.

"The Times of India" nəşri xəbər verir ki, 13 yaşlı yeniyetmə məktəbdən qayıdarkən, kolların arasından çıxan bəbir ona hücum edib.

Məktəbli yıxılıb, amma iti onu müdafiə etməyə qaçıb. Cəsur ev heyvanı yırtıcıya müqavimət göstərib və bəbiri qovmağı bacarıb.

Məktəbli dəhşətli hadisədən yüngül xəsarətlərlə xilas olub.

Yerli rəsmilər faktı təsdiqləyiblər. Bildirilib ki, hadisədən sonra bəbirin tutulması üçün ərazidə xüsusi qəfəslər quraşdırılıb.

Ərazidə patrul xidməti də gücləndirilib. Sakinlərə axşamlar evdə qalmaları tövsiyə olunub.

Bundan əlavə, məktəblərdə təhlükəsizlik texnikası üzrə xüsusi təlimlərin keçirilməsi də planlaşdırılır.