Avstraliyanın materik hissəsində ilk dəfə məməli heyvanda H5 quş qripinə yoluxma faktı qeydə alınıb.

"Bloomberg" agentliyi xəbər verir ki, yoluxmuş suiti cəsədi avqustun 19-da Cənubi Avstraliya ştatının paytaxtı Adelaidadan təxminən 300 kilometr məsafədə yerləşən Biçport şəhərində tapılıb.

Laboratoriya analizləri H5 ştamının mövcudluğunu təsdiqləyib.

"Digər vəhşi heyvanların, xüsusilə də dəniz məməlilərinin yoluxması gözlənilməz deyil", - deyə Avstraliyanın kənd təsərrüfatı üzrə federal naziri Culi Kollinz bildirib.

Məlumata görə, Avstraliya hakimiyyəti ilk dəfə iyunun ortalarında Qərbi Avstraliyada köçəri quşda aşkar edilən yüksək patogenli ştamın yayılması ilə mübarizə aparır.

Daha əvvəl H5N1 quş qripi Avstraliyanın ən ucqar ərazilərindən biri olan Herd adasında pinqvinlər və dəniz pişikləri arasında da qeydə alınıb.