Kür çayının Samux rayonundan keçən hissəsində suyun səviyyəsi son bir ayda artıb.

TEREF "Qafqazinfo"ya istinadən xəbər verir ki, xüsusilə rayonun Qaraağaclı kəndi və Kürqırağı ərazilərdə vəziyyət daha da təhlükəli hal almaqdadır.

Belə ki, artıq çayın ətrafındakı meşələrin bir hissəsini su basıb. Bundan əlavə, əkin sahələri də sel təhlükəsi ilə üz-üzə qalıb.

Buna səbəb Gəncə və ətraf rayonlara aramsız yağışların yağmasıdır.

Qeyd edək ki, hazırda bölgədə qeyri-sabit hava şəraiti davam edir.