Türkiyə Qərbi Anadolu bölgəsində nadir torpaq elementləri yataqlarının işlənməsi üçün ABŞ ilə tərəfdaşlıq imkanlarını nəzərdən keçirir.

Teleqraf xəbər verir ki, Ankara və Vaşinqton Türkiyənin şimal-qərbində yerləşən Eskişəhirdəki Beylikova bölgəsində birgə layihəni araşdırırlar. Bu ərazidə serium, prazeodim (Praseodymium) və neodim kimi nadir torpaq elementlərinin yatağı aşkar edilib.

Hazırda şirkətlər yataqların keyfiyyətini və onların kommersiya baxımından hasilat potensialını qiymətləndirirlər.

Türkiyə eyni zamanda layihənin iqtisadi əsaslandırılması ilə bağlı Kanada və İsveçrə ilə danışıqlar aparır və yataqlarla bağlı məlumatların şəffaflığını təmin etmək üçün JORC sertifikatlaşdırmasına müraciət etməyi planlaşdırır.