İstanbul məhkəməsi şəhər bələdiyyə sədri Əkrəm İmamoğlunun həbsindən sonra Saraçhane etirazları ilə bağlı iş üzrə ilk bəraət qərarını verib.

"Unikal" xəbər verir ki, məhkəmə doqquz etirazçıya qarşı bütün ittihamları ləğv edərək, onların hərəkətlərində cinayət tərkibi olmadığını müəyyən edib.

Prokurorluğun səlahiyyətli orqanların qadağaya əməl etməməsinə görə cəza tələb etməsinə baxmayaraq, məhkəmə dəlil çatışmazlığını əsas gətirərək 2911 saylı mitinqlər haqqında qanunun müddəalarının pozulmadığına qərar verib. Doqquz nəfərin hamısına bəraət verilib.

Bəraət almış şəxslərin həbsdə qaldıqları müddətə görə kompensasiya tələb etmək hüququ da var.