Tamamilə paslanmış min illərin güzgüsünün arxasındakı cizgiləri yenidən qabarda bildiyim şəkildə 4 fiqur var.
İkisi kişidir, ikisi qadın.
Sağdakı cüssəli kişi yerdə oturmuş kişinin başına gözəl vazadan su tökür.
Qarşısında bədənini sürtən çılpaq gözəl qadınla danışır o.
A lap bu günkü dəbdə olan gildən hazırlanmış arxadakı minalı su seyvanına söykənib kişini diqqətlə dinləyir.
Soldakı fiqur uzun saçlarını yuyan digər qadına bənzəyir.
Çox çətinliklə bərpa edə bildiyim 3 sözü güzgüdən ayrıca sağda verirəm. Onun güzgüdə cızıldığı yeri oxla göstərirəm - yazı güzgüdəki öz səmtindədir. Yuxarıda ağ çərçivədəki həmin yazının 90* sola fırladılmış versiyasıdır. Oxumağı asanlaşdırmaq üçündür bu.
Soldan sağa bu sözləri min bir zillətlə sezmək mümkün olur:
KELP FOSDNA U
Çatışmayan iki "A" saitini yerinə qoyduqda mətn belə açılır.
KEL[A]P FOSD[A]NA U
KELAP - Türkiyə sözlüyündə - SUDAN QORXMAQ`dır.
FOSDANA - utanma, sıxılma, çaşma, karıxma, həyəcana-, təşvişə düşmə, xəcalət çəkmə feillərini özündə birləşdirən FOSLAMA kəlməsindəndir.
Eskizdə söhbət, hamama gətirdiyi dostundan gedir. Onun başına su tökən kişi qarşısındakı qadına deyir:
KELAP, FOSDANA O.
Yəni,
- O həm sudan qorxur, su sevən deyil;
həm də sizin yanınızda həyəcanlanır, utanır, sıxılır.
Başını yerə dikmiş yuyunan kişinin utandığı şəkildən apaydın hiss olunur.
_____________________________
Etrusklarda kütləvi intim səhnələrinə tez-tez rast gəlinir.
Görünür, qadınlı, kişili hamama da bir yerdə getmək adəti olub.
Tariyel Azerturk
TEREF