«Humayun Şah Böyük səxavət və kəramət sahibi olan incə zövqlü bir Padşah idi. Kitabxana işinin zinət və rövnəqinə çox həvəsi var idi.
Əbülqazi Sultan Hüseyn [Bayqara] Mirzədən sonra Çağatay padşahları arasında Humayun padşahdan xoştəb padşah az olubdur.
Qardaşı Kamran Mirzə tərəfindən məğlub olub, mərhum Padşaha [Şah Təhmasib Səfəviyə] pənah apardı. Qızılbaş ordusunun köməyi ilə öz düşmənini məğlub edib Hindistan qapılarını öz üzünə açdı. Mülayim şeir təbinə malik idi. Türkcə yazdığı bu iki beyti çox məşhurdur:
Nəzm:
Qəriblik qəmindən möhnətü məlalım bar,
Bu qəmdən ölümqə yetdim qərib halım bar,
Vüsali-dövlətidən ayrılıb məni-məhzun,
Tirinmənü bu tirinlikdən infialım bar.»
Mənbə: Sadiq bəy Əfşar, «Məcməül-Xəvas» təzkirəsi, səhifə 23. 24
vahidibayev