Əgər siz Everesti fəth etsəydiniz, yəqin ki, ən yüksək zirvədə dəniz canlılarının - trilobitlər, krinoidlər və braxiopodlar daxil olmaqla - fosillərini görüb təəccüblənərdiniz.

Bunu "BBC Science Focus Magazine" yazır.

Qeyd olunur ki, onların mövcudluğu təxminən 50 milyon il əvvəl Himalayların necə əmələ gəldiyini göstərir. Bu həmçinin plitə tektonikasının mövcudluğuna dair əsas sübutdur.

Maraqlıdır ki, 200 milyon il əvvəl superqitə Panqea parçalandıqda, Hindistan plitəsi şimal tərəfə, Asiyaya doğru hərəkət etməyə başlayıb. Nəticədə o, Avrasiya plitəsi ilə toqquşub və torpağı - qədim Tetis okeanının dibi də daxil olmaqla - səthə qaldırıb.

Bu böyük toqquşma Himalay və Tibet platosunu yaradıb, okean fosillərini səviyyədən 8000 metrdən yüksək hündürlüyə qaldırıb. Tədqiqatçılar Əvərest zirvəsində dəniz canlılarına aid fosilləri tapmağa davam edirlər.