İranda parlament seçkiləri yaxınlaşdıqca ölkə daxilində fraksiyalar arasında mübarizə qızışır. Axar.az xəbər verir ki, İran parlamentinə daxil olmaq üçün 290 yer uğrunda mübarizə aparılacaq. Əsas mübarizə isə Ali dini lider Əli Xameneinin xələfini seçəcək 88 yerlik Mütəxəssislər Məclisi uğrunda olacaq. Bu yerlər uğrunda mübarizə islahatçılar və mərkəzi təmsil edən qruplar arasında gedəcək.
Prezident Ruhani və digər islahatçı qruplar 9 fevralda Konstitusiyanın Müdafiəsi Şurasına təzyiq edərək namizədliyi qeydə alınmayan 1400 nəfərin hüquqlarının ekstradisiya edilməsini tələb ediblər. Qeydə alınan son namizəd siyahısı isə 16 fevrala qədər açıqlanmayacaq. Ancaq İrandakı seçki siyasəti ilə yaxından maraqlanan mənbələr namizədlərin seçkidən kənarda saxlanılacağını və mühafizəkarların böyük üstünlük əldə edəcəyini qeyd edirlər.
Bildirilir ki, parlament seçkiləri ilə bağlı qurulan siyasi oyun İranı “Yaşıl İnqilab”a doğru aparır.
Qeyd edək ki, İranda parlament seçkiləri bu ilin 26 fevralında keçiriləcək.