Hindistanda inək peyininin qiymətində kəskin artım müşahidə olunur. Yaxın Şərqdə təbii qaz qıtlığı və İranla bağlı gərginlik fonunda ölkə bu materialı aktiv şəkildə alır və alternativ yanacaq kimi istifadə edir. Hörmüz boğazının blokadası enerji böhranını daha da gücləndirir. ABŞ və İsrailin İranla müharibəsi artıq regionun və dünyanın ən böyük ölkələrinə təsir edir.
Üç həftədir gübrə qiymətlərinin kəskin şəkildə artır. Bu, "Metals & Mining Intelligence" (MMI) və "Price Index Center"in hesabatlarında da qeyd olunur.
Braziliyada karbamidin (azot gübrəsi) qiyməti CFR (limandan çatdırılma) əsasında 600–680 dollar/ton səviyyəsinə, Meksikada eyni əsasda 620–670 dollar/ton səviyyəsinə, Cənub-Şərqi Asiyada isə 626–675 dollar/ton səviyyəsinə yüksəlib. Ammonium nitratının qiyməti Braziliya CFR-də 430–500 dollar/ton, Yeni Orleanda (ABŞ) isə 440–510 dollar/ton FOb-a yüksəlib. Həftəlik qiymət artımı 20 dollar/ton (4%) təşkil edib.
Yaxın Şərqdə dənəvər karbamidin qiymətləri FOB üzrə 650–715 dollar/ton (əvvəlki həftə ilə müqayisədə 10% artım), Misirdə isə 665–700 dollar/ton (artım 5%) səviyyəsinə yüksəlib. Əlcəzairdə karbamidin qiyməti 5% artaraq 725 dollar/ton təşkil edib. İranda kotirovka 525 dollar/ton olub. Cənub-Şərqi Asiyada qiymət 9% artaraq 750 dollar/ton təşkil edib.
Bazarda azot gübrələrinin çatışmazlığı yaranır və may-iyun aylarında fosfat böhranı artacaq. Ekspertlərin rəyinə əsasən tədarük aprel ayına qədər bərpa olunmazsa, ən pis vəziyyət Hindistanda, Cənub-Şərqi Asiyada və Şərqi Afrikada yaranacaq. Söhbət düyü, qarğıdalı və şəkər qamışı məhsuluna mənfi təsir göstərəcək karbamid və ammonyak gübrələrinin çatışmazlığından gedir.
Sima Babayeva
TEREF