Cənubi Kiprin Limasol bölgəsində uzun müddətdir tərk edilmiş Trozena kəndində satılan torpaqlar müzakirələrə səbəb olub.

Globalinfo.az xəbər verir ki, israilli investorlar son illərdə kənddə və ətraf ərazilərdə böyük torpaq sahələri və əmlaklar alıblar.

Qeyd olunur ki, investorlar bu ərazidə torpaq sahəsi almaq üçün 1-2 avro (təxminən 2-4 manat) ödəyirlər.

“Phileleftheros” qəzetinin məlumatına görə, macar-israilli investorların şirkəti kənddə cəmi 94 torpaq sahəsi alıb. Bəzi torpaq sahələrinin çox aşağı qiymətlərlə, məsələn, kvadratmetrə 1-2 avroya verildiyi bildirilir.

Alqı-satqının 2022-ci ildən bəri tədricən və mərhələli şəkildə həyata keçirildiyi qeyd olunur.