Rusiya-Ukrayna, İsrail-Fələstin, Suriya, İran və digər müharibə və lokal münaqişələr fonunda dünya gündəmini Epşteynin seks cinayətlərinin məhkəmə araşdırmaları zəbt edib.

Bizimesr.az xəbər verir ki, Amerikalı multimilyarderin 10 avqust 2019-cu ildə Nyu-York Metropolitan İslah Mərkəzində intihar edərək öldüyünə baxmayaraq, məhkəmə araşdırılmaları hələ də davam edir. Uşaqbazlıqda və azyaşlıların cinsi istismara məruz qoyulınmasında ittiham olunan Epşteynin cinayətlərinin dünya gündəmini zəbt etməsinin əsas səbəbləri isə onun bu cinayətdə “ortaqların”ın adlarının açıqlanmasıdır.

"Bizimesr"in beynəlxaq media üzərindən apardığı araşdırmalar zamanı məlum olub ki, Epşteynin bir çox varlı insanlar və dünya liderləri ilə yaxın dostluq əlaqələri olub.

EPŞTEYN VƏ DOSTLARI

Onun dostları və tanışları arasında, Gislaine Maksvell ilə yanaşı, Tomas Barrack, ABŞ prezidentləri Bill Klinton və Donald Tramp, xəbər aparıcısı və siyasi məsləhətçi Corc Stefanopulos, jurnalist və televiziya aparıcısı Keti Kurik, Vudi Allen, İsrailin sabiq baş naziri Ehud Barak, Böyük Britaniya Baş naziri Toni Bleyer, Harvard Hüquq professoru Alan Derşovitz, Səudiyyə Ərəbistanının vəliəhd şahzadəsi Məhəmməd bin Salman, milyarder pərakəndə satış maqnatı Leslie Wexner, Microsoft-un qurucusu Bill Gates var.

Bundan başqa Epşteyn "Lolita Express" ləqəbi ilə tanınan özəl Boeing 727 təyyarəsinə sahib idi və tez-tez bu təyyarə ilə dünya ölkələrinə səyahət edirdi. İldə 600 uçuş saatına qədər məsafə qət edən təyyarədə adətən xüsusi qonaqlar olurdu.

Məsələn, 2002-ci ilin sentyabrında Epşteyn Klinton, Kevin Speysi və Kris Taker ilə birlikdə şəxsi təyyarəsi ilə Afrikaya səyahət edib. Uçuş qeydlərinə görə, Klinton Epşteynin təyyarəsi ilə 26 dəfə ABŞ-dan kənara ən azı 12 ölkəyə uçub.

2002-ci ildə Nyu-York jurnalında isə Epşteynin profilində keçmiş Demokrat Senat Corc J. Mitçell, Epşteyn haqqında bunları demişdi: "Mən onu mütləq dost və dəstəkçi adlandırardım".

Eyni məqalədə Donald Tramp isə "Mən Cefflə on beş ildir tanışam. Əla oğlandır. Onun yanında olmaq çox əyləncəlidir. Hətta eşitmişəm ki, o da mənim kimi gözəl qadınları sevir və onların çoxu gəncdir. Ceffri, şübhəsiz ki, sosial həyatdan zövq alır" ifadələrini qeyd etmişdi. Baxmayaraq ki, 2019-cu ildə Tramp Epşteyndən təxminən 15 il əvvəl ayrıldığını söyləmişdi.

2025-ci ildə The Wall Street Journal (WSJ) qəzeti Trampın 2003-cü ildə Ceffri Epşteynə 50 illik yubileyi münasibətilə verdiyi təbrik kartını təsvir edən bir məqalə dərc olunur.

Qəzetin məlumatında qeyd olunurdu ki, Epşteynin sevgilisi Ghislaine Maksvell dostlarından ona hədiyyə olaraq göndərilən məktublardan albom hazırlayıb. Mesajlardan birində "Donald" imzası var idi ki, bu da kartın Tramp tərəfindən yazıldığını göstərir.

WSJ kartı "əxlaqsız" adlandırıb - bir neçə sətir çap olunmuş mətn qalın markerlə əl ilə çəkilmiş kimi görünən çılpaq bir qadının konturu ilə çərçivəyə almışdı. Məqalədə deyilir: "Bir cüt kiçik qövs qadının sinələrini təmsil edir və gələcək prezidentin imzası, belin altındakı qıvrımlı "Donald" aşağı tüklərini təqlid edir".

WSJ-yə görə, mesaj belə yekunlaşır: "Ad günün mübarək - və hər gün başqa bir gözəl sirr ola bilər”.

The Wall Street Journal-nı böhtan atmaqda günahlandıran Trampın hüquq müdafiəçisi məhkəməyə müraciət edir. Epşteynin 1999-cu ildə Trampın Mar-a-Laqo qolf klubundan qovulduğunu iddia edən vəkil Bredli Edvardsın, məhkəməyə sübut edən sənədləri təqdim edə bilməmiş və sonradan şayə olduğunu etiraf etmişdi.

Epşteynin yaxın dostu, amerikalı milyarder iş adamı, Bath & Body Works, Inc şirkətinin həmtəsisçisi və rəhbəri,eləcə də digər pərakəndə korporasiyalar- Abercrombie & Fitch, Victoria's Secret və La Senza-nın rəhbəri Lesli Veksner 2003-cü ildə onun haqqında yüksək fikirlər səsləndirmışdi: "O, çox ağıllıdır və iti zəkanı qeyri-adi dərəcədə yüksək peşəkar standartlarla birləşdirir. O, həmçinin ən sadiq dost olaraq qalır".

Lakin, 2019-cu ildə Veksnerin sözçüsü Forbes jurnalına verdiyi açıqlamada - "cənab Epşteynlə münasibətlərinə on ildən çox əvvəl son qoyduğunu " söylədi.

New photos from Epstein's personal collection show Trump, Clinton and much more | PBS News

Epşteyn həmçinin Rokfeller Fondunun idarə heyətində üzvü, QHT olan Üçtərəfli Komissiyanın və Xarici Əlaqələr Şurasının üzvü (Şimalı Amerika, Qərbi Avropa və Asiyadan olan nümayəndə heyətini özündə birləşdirərək dünya problemləri və həlli yollarını araşdıran mərkəz), Harvard Universitetinin əsas donorlarından biri olmuşdur. 1989-cu ildən 2003-cü ilə qədər Epstein Demokrat federal namizədlərə və komitələrə 139.000 dollardan çox, Respublikaçı namizədlərə və qruplara isə 18.000 dollardan çox ianə etmişdir.

2003-cü ilin aprel ayında New York jurnalında Epsteinin Bill Klintonun şərəfinə Manhettendəki iqamətgahında şam yeməyi təşkil etdiyini qeyd edib.

Məlumatda, Donald Tramp, Sergey Brin və bir çox digər məşhurların da tədbirə qatıldığı vurğulanır. Bu ilin yanvar ayında “The Daily Telegraph” qəzetinin verdiyi məlumata görə, iş adamı Bill Qeytsin də adı Epşteyn cinayətində hallanıb.

Məlumata görə, Ceffri Epşteynin villasında qadınlarla görüşdükdən sonra Amerika şirkəti "Microsoft"un qurucusu zöhrəvi xəstəliyə yoluxub. Lakin B.Geytsin nümayəndəsi mediada yayılan məlumatları təkzib edib. "Bu iddialar tamamilə absurd və tamamilə yalandır. Bu sənədlərin nümayiş etdirdiyi yeganə şey Epşteynin Qeytslə davamlı münasibətlərinin olmamasından məyusluğu və onu ləkələmək üçün nə qədər səy göstərməsidir"-deyə Qeytsin nümayəndəsi bildirib.

ABŞ Ədliyyə Nazirliyinin Epsteinlə bağlı açıqladığı son sənədlərdə milyarder iş adamı İlon Mask ilə Epstein arasında 2012–2014-cü illərdə aparılan yazışmalar yer alıb. Sənədlərə görə, Epşteyn Maskı müxtəlif tədbirlərə dəvət edərkən "25 yaşdan yuxarı heç kim yoxdur, hamısı çox şirindir" ifadəsini işlədib. Yazışmalarda Karib adalarındakı şəxsi ada, planlaşdırılan partilər və qonaq siyahıları ilə bağlı müzakirələr də yer alır.

İlon Mask yayımlanan sənədlərə münasibət bildirərək iddiaların diqqəti yayındırmaq məqsədi daşıdığını, Epsteinlə yaxın münasibətinin olmadığını və dəvətləri qəbul etmədiyini iddia edib.

Bu gün isə daha bir siyasətçinin adı üzə çıxıb. Reuters-in məlumatına əsasən, Slovakiya Baş naziri Robert Fikon və Milli təhlükəsizlik müşaviri Miroslav Layçak Epşteynlə bağlı yeni sənədlərdə cütlüyün gənc qadınlar haqqında elektron poçt mübadiləsi apardığı göstərildikdən sonra istefa verib.

Milli təhlükəsizlik müşaviri M.Layçak hər hansı bir qanun pozuntusunu rədd edən və Epşteynin cinayətlərini pisləyən bir bəyanat yayıb. O, tərəflərin görüşünü qeyri-rəsmi, yüngül və heç bir real mahiyyət daşımayan adlandırıb. Lakin bu vəziyyətdə təziqlərdən istifadə edilməməsi üçün istefa verəcəyini bildirib.

ALİ TƏHSİLSİZ, BAĞBAN OĞLU NECƏ MİLYARDER OLDU?

Ceffri Epşteyn 20 yanvar 1953-cü ildə ABŞ-ın Nyu-York ştatının Bruklin şəhərində yəhudi cütlük Paulin Stolofski və Seymur Corc Epşteynin ailəsində dünyaya göz açıb. Anası evdar qadın, atası isə Nyu-York Şəhər Parklar Departamentində bağban olub. Onun Mark Epşteyn (1954-cü il təvəllüdlü) adlı bir qardaşı var. O və qardaşı Nyu-York şəhərinin Bruklin şəhərindəki Koni Aylenddəki özəl qapalı icma olan Sea Gatedə böyüyüblər. Epşteyn yaxınlıqdakı Mark Tven Orta Məktəbində oxuyub. Xüsusi istedadı ilə seçilən Ceffri Epşteyn 5 yaşında pianoda çalmağa başlayıb. 1969-cu ildə, 16 yaşında, iki sinfi buraxaraq Lafayette Liseyini bitirib.

Ceffri Epşteyn 1971-ci ildən 1974-cü ilə qədər Nyu-York Universitetinin nəzdində olan tədqiqat institutu olan Courant Riyaziyyat Elmləri İnstitutunda təhsil almış, lakin 1974-cü ilin iyun ayında təhsilini yarıda qoymuşdur.

Ali təhsili olmayan Ceffri Epşteyn 1974-cü ildə Manhettendəki Dalton Məktəbində fizika və riyaziyyat fənlərini tədris etməyə başlayıb. Bu məktəbə şagirdlərin çoxu ölkənin ən varlı ailələrindən gəlirdi. Epşteyn 1976-cı ildə "zəif göstəricilərə" görə işdən çıxarılana qədər orada dərs deyib.

Məktəbdə dərs deyərkən Epşteyn oğlu və qızı məktəbdə oxuyan Bear Stearns şirkətinin baş direktoru Alan Qrinberqlə tanış olub. Epşteynin zəkası və maliyyə uğuru ambisiyasından təsirlənən Qrinberq ona Bear Stearnsdə iş təklif edib.

Daha sonra o, müxtəlif işlər vasitəsilə bank və maliyyə sektorunda fəaliyyətə başlayıb. Epşteyn Bear Stearns şirkətində fond birjasında onun adından qiymətli kağızlar alıb satan bir treyderin aşağı səviyyəli köməkçisi kimi işə başlayıb. Gəlir və xərc hesablamaları sayəsində o, tez bir zamanda uğur qazanıb və multimilyoner olub.

Ceffri Epşteyn 1981-ci ilin avqust ayında özünün Intercontinental Assets Group Inc. (IAG) konsaltinq firmasını qurur. Bu şirkət müştərilərə saxta brokerlərdən və vəkillərdən oğurlanmış pulları geri qaytarmağa kömək edirdi.

1987-ci ildə Stiven Hoffenberq Epşteyni xəstəxanalara, banklara və telefon şirkətlərinə olan şəxsi borcları geri alan yığım agentliyi olan Tower Financial Corporation şirkətinə məsləhətçi kimi işə götürdü. Londonda müdafiə podratçısı Douglas Leese və keçmiş baş prokuror John Mitchell vasitəsilə tanış olmuşdular.

Hoffenberq və Epşteyn sıx əməkdaşlıq edərək birgə dünyanın müxtəlif yerlərinə səyahətlər edirlər. 1993-cü ildə Tower Financial Corporation Amerika tarixində ən böyük Ponzi sxemlərindən biri kimi ifşa edildi və investorların 450 milyon dollardan çox itirməsinə səbəb oldu.

Hoffenberq ifadəsində Epşteynin saxtakarlıq sxemində iştirak etdiyini iddia edirdi. Epstein isə şirkət müflisləşməzdən əvvəl onu tərk etdi və heç vaxt fırıldaqçılıqda iştirak etməkdə ittiham olunmadı.

Həmçinin 1987-ci ildə Ceffri özünün pul idarəetmə firması olan J. Epstein & Co.-nu qurdu. Şirkət 1 milyard dollardan çox sərvətə malik müştərilərin aktivlərini idarə etmək üçün yaradılmışdır . J. Epstein & Co.-nun əsas ictimaiyyətə məlum müştərisi Epsteinin dostu və himayədarı , pərakəndə satış maqnatı , L Brands (əvvəllər Limited Brands) şirkətinin sədri və baş direktoru Lesli Veksner idi.

1986-cı ildə Veksnerlə görüşdükdən qısa müddət sonra Epstein onun maliyyə məsləhətçisi oldu və onun biznes əməliyyatlarında "müvəqqəti işlər vəkili" vəzifəsində çalışdı. 1995-ci ilə qədər Epstein Veksner Fondunun və Veksner İrsi Fondunun direktoru idi. O, həmçinin Veksnerin yaşadığı Ohayo ştatının Nyu Albani şəhərini inkişaf etdirən Veksner Əmlakının prezidenti idi. Ceffri heç vaxt L Brands-da işləməsə də, şirkət rəhbərləri ilə tez-tez yazışırdı. O, həmçinin tez-tez Victoria's Secret moda şoularında iştirak edir, Nyu-Yorkdakı evində modellərə ev sahibliyi edir və model olmaq istəyənlərə şirkətdə işləməyə kömək edirdi.

1996-cı ildə Epstein firmasının adını Financial Trust Company olaraq dəyişdirdi və vergi güzəştləri üçün onu Müqəddəs Tomas adasında (ABŞ Virgin Adaları ) yenidən qeydiyyatdan keçirdi.

2003-cü ildə Epstein New York Magazine jurnalını almaq qərarına gəldi. Digər namizədlər arasında marketinq şirkətinin Deutsch Inc.- in keçmiş sahibi reklam üzrə icraçı direktor Donni Deutsch milyarder investor Nelson Peltz, media maqnatı və New York Daily News naşiri Mortimer Zuckerman və film prodüseri Harvey Weinstein də var idi.
Jurnal sonda Wall Street investisiya bankiri Bruce Wasserstein tərəfindən satın alındı və o, 55 milyon dollar ödədi . 2004-cü ildə Epstein və Zuckerman məşhur və pop mədəniyyət jurnalı Radar-ı maliyyələşdirmək üçün 25 milyon dollara qədər ianə etdilər və bu layihədə bərabər tərəfdaş oldular

2015-ci ildə İsrailin Haaretz qəzeti J. Epstein & Co şirkətinin keçmiş İsrail Baş naziri Ehud Barakın rəhbərlik etdiyi startap şirkətinə investisiya qoyduğunu bildirmişdi.

CEKS CİNAYƏTLƏRİ

2005-ci ilin mart ayında bir qadın Florida ştatının Palm Biç şəhər polis şöbəsinə müraciət edərək 14 yaşlı ögey qızının başqa bir qız tərəfindən Epşteynin malikanəsinə gətirildiyini bildirib. Orada iddialara görə, ona Epşteyni soyundurmaq və masaj etmək üçün 300 dollar pul verilib. O, soyunub, lakin Epşteyni alt paltarında qoyub.

Polis Epşteynə qarşı 11 aylıq gizli araşdırma başlatdı və bunun ardınca onun evində axtarış aparılır. FTB də araşdırmaya qarışdı; polis sonradan Epşteynin ona qarşı cinsi əlaqədə olmaq üçün bir neçə qıza pul ödədiyini iddia etdi. Epşteynin evindəki zibil qutusunda tapılan beş iddia edilən qurban və 17 şahidlə müsahibələr, orta məktəb sənədləri və digər əşyalar göstərdi ki, hadisədə iştirak edən qızların bəziləri 16 yaşdan kiçikdir.

"The International Business Times " qəzetinin məlumatına görə, 2006-cı ildəki məhkəmə iddiasında təqdim edilən sənədlərdə Epsteinin şantaj da daxil olmaqla cinayət məqsədləri üçün evində bir neçə yerə gizli kameralar quraşdırdığı və yüksək profilli şəxslərin qızlarla cinsi əlaqədə olmasını qeydə aldığı iddia edildi.

Epşteynin nüfuzlu insanlara onların zövqü üçün və mümkün şantaj üçün məlumat əldə etmək üçün qızlar "verirdi". Bunlardan birinin də Şahzadə Endryu olduğu məlum oldu. Keçmiş işçilərdən biri polisə Epsteinə gündə üç dəfə masaj edildiyini bildirib. FTB sonda Epsteinə qarşı iddiaları üst-üstə düşən məlumatları ehtiva edən 36 qızdan məlumat alıb.

2006-cı ilin may ayında Palm Biç polisi Epşteynin yetkinlik yaşına çatmayanlar ilə dörd cinsi əlaqə və bir təcavüz ittihamı ilə ittiham olunacağını elan etdi. Ştatın prokuroru Palm Biç dairəsinin böyük münsiflər heyətini çağırdı. Həmin vaxt Palm Biç Polis Rəisi Maykl Reyter prokuroru həddindən artıq yumşaq olmaqda və işi FTB-yə göndərməkdə rol oynamaqda günahlandırdı. Böyük münsiflər heyəti fahişəliklə bağlı bir ağır cinayət ittihamını geri qaytardı, Epşteyn 2006-cı ilin avqustunda günahsız olduğunu bildirdi.

Araşdırmadan sonra Epşteyn 30 iyun 2008-ci ildə Florida ştat məhkəməsi tərəfindən biri 18 yaşından kiçik olan iki gənc qızı fahişəlik məqsədilə istismar etməkdə günahlandıraraq yenidən həbs edildi. Epşteynin nəzarət altında olduğu 13 ay ərzində onu araşdıran federal orqanlar, həmçinin zorakılığa məruz qalmış biri 14 yaşlı qız da daxil olmaqla daha 36 qız aşkar etdilər.

HƏBS VƏ İTTİHAM

6 iyul 2019-cu ildə Epşteyn Nyu-Cersi ştatının Teterboro hava limanında cinsi istismar ittihamı ilə həbs edildi.

Şahidlərin sözlərinə görə, Epşteynin həbs olunduğu gün axtarış orderi ilə təxminən on iki FTB agenti Herbert Ştrausun Manhettendəki evinin qapısını zorla açıb. Axtarış zamanı insan alveri ilə bağlı dəlillər və "yüzlərlə, bəlkə də minlərlə çılpaq və ya qismən çılpaq qadınların cinsi əlaqəyə səbəb olan fotoşəkilləri" aşkar edilib. Bəzi fotoşəkillərin yetkinlik yaşına çatmayanlara aid olduğu təsdiqlənib. Bağlı seyfdə əlyazma yazıları olan kompakt disklər, o cümlədən "Gənc + ", "Müxtəlif çılpaq şəkillər 1" və "Qız çılpaq şəkillər çəkir" kimi təsvirlər var idi. Həmçinin nağd pul, brilyant və Epşteynin şəkli olan, lakin fərqli ad yazılmış 1987-ci il tarixli müddəti bitmiş Avstriya pasportu da tapılıb. Pasportda onun yaşayış yeri Səudiyyə Ərəbistanı kimi qeyd olunub .

İki gün sonra Nyu-Yorkun Cənub Dairəsinin İctimai Korrupsiya Bölməsinin prokurorları Epsteini cinsi istismar və yetkinlik yaşına çatmayanları cinsi istismar məqsədilə alver etməkdə ittiham etdilər. Məhkəmə sənədlərində iddia olunur ki, ən azı 40 yetkinlik yaşına çatmayan qız cinsi əlaqə üçün Epsteinin malikanəsinə gətirilib. Hakim Kennet Marra Epsteyni daha ciddi ittihamlardan qoruyan cinayət təqibi ilə bağlı razılaşmanın qüvvədə qalıb-qalmaması barədə qərar verir.

CEFFRİ EPŞTEYN ÖLDÜRÜLÜB YOXSA İNTİHAR EDİB?

23 iyul 2019-cu ildə Epsteyn saxlanıldığı kamerada boynunda boğulma izləri ilə yarı huşsuz vəziyyətdə tapıldı. Xəsarətlərin xarakteri onun özünü asmağa cəhd etdiyini göstərirdi, Baxmayaraq ki, kamera yoldaşının hücumuna məruz qaldığı barədə də fərziyyələr var idi. Epstein sonda intiharın qarşısının alınması kamerasına yerləşdirildi.

Lakin, 29 iyul 2019-cu ildə Epsteyn adi kameraya qaytarıldı. Epstein kamerasına yerləşdirildikdə, həbsxana Ədliyyə Nazirliyinə intiharın qarşısının alınması üçün kamera yoldaşı olacağını və hər otuz dəqiqədən bir mühafizəçinin onu yoxlayacağını bildirdi. Lakin bu tədbirlərə əməl edilmədi.

10 avqust 2019-cu ildə Epşteynin nəfəs almadığı aşkar edildi. Təhlükəsizlik işçiləri təcili yardım çağırdılar və reanimasiyaya cəhd etdilər. Lakin artıq çox gec idi və Epşteynin öldüyü elan edildi.

11 avqust 2019-cu ildə yarılma aparıldı və nəticədə Epşteynin çox güman ki, yatağının yuxarı mərtəbəsindən ipin üzərinə tullanaraq intihar etdiyi müəyyən edildi. Qeyri-adi hal olaraq, yarılma zamanı onun çoxsaylı boyun sınıqları aşkar edildi. Sınmış sümüklər arasında dil sümüyü də var idi. Bu cür xəsarətlər asılma yolu ilə intihar zamanı baş verə bilər, lakin boğma yolu ilə törədilən qətllərdə daha çox rast gəlinir. 16 avqust 2019-cu ildə Nyu-York şəhərinin baş tibbi eksperti Barbara Sampson Epşteynin ölümünü intihar kimi qiymətləndirdi .

HƏBSXANA İŞÇİLƏRİNİN HƏBSİ

Epşteynin intiharının rəsmi versiyası ilə bağlı dərhal şübhələr yarandı. Onun ölü tapıldığı həbsxananın iyirmi işçisi ştatın prokuroru tərəfindən dindirildi. İstintaq nəticəsində Epşteynin intiharının həbsxana işçilərinin kobud səhlənkarlığı səbəbindən baş verdiyi qənaətinə gəlindi. Epşteynin müayinələrinin qeydlərini saxtalaşdıran iki mühafizəçi altı ay şərti azadlıq və 100 saat ictimai iş cəzasına məhkum edildi . Epşteynin ölümü ABŞ həbsxana sistemində işçi çatışmazlığı problemini ortaya çıxardı və işçiləri həftədə tələb olunan 40 saat əvəzinə 70 saat əlavə iş işləməyə məcbur etdi.

EPŞTEYNİN DƏFNİ

Epşteynın nəşi qaradşı Mark tərəfindən təhvil alındıqdan sonra o, 5 sentyabr 2019-cu ildə Florida ştatının Palm Biç şəhərindəki I.J. Morris Star of David Qəbiristanlığında valideynlərinin məzarlarının yanında işarəsiz bir məzarda dəfn edildi. Vandalizmin qarşısını almaq üçün valideynlərinin adları da baş daşından silindi.

Qeyd edək ki, Epşteynin yüzlərlə məhşur şəslər və dünya siyasi liderləri ilə tanışliq əlaqələrinə malık olub. Onların cinayətdə əlbir olub-olmadıqları ABŞ-ın müvafiq məhkəmə qurumlarında davam etdirilir.

Bizimesr.az növbəti saylarında araşdırmaların nəticələrini təqdim edəcək.

E.Eldəniz
Bizimesr.az