Qonşu İranda dünyada çox az rast gəlinən, günün günorta çağı çıraqla da axtarsaq, yenə də ancaq orada tapa biləcəyimiz siyasi mühit, siyasi baxışlar, siyasi intriqalar, siyasi dırnaqarası təsir mexanizmləri mövcuddur.

Bu barədə Baku TV-nin videomaterialında bildirilib.

Sadalananların unikallığı ondan ibarətdir ki, bütün bu proseslərdə insan beyninin imkanları maksimum şəkildə təcrid olunur. Beyin qaranlıq zindanlarda həbs olunduqdan sonra siyasi hoqqabazlar buraxılırlar arenaya.

Yekunda da adı qoyulur minlərlə yaşı olan dövlətçilik təcrübəsi. Müasir dövrdə isə hansı müstəvidən baxırsan-bax, reallığı görə bilməmək, gördüyü reallığı dərk edə bilməmək, dərk etdiyi reallığı izaholunmaz, dırnaqarası sübutlarla inkar etməyə çalışmaq, bu alınmayanda başına bir çuval keçirib dünyadan təcrid olunmağın adına, sadəcə, axmaqlıq deyilir.