Mavi tuna balığı Tokioda keçirilən ənənəvi hərracda rekord qiymətə satılıb.

Bu barədə NHK telekanalı məlumat yayıb.

Məlumata görə, Aomori bölgəsində tutulmuş 243 kiloqramlıq balıq 510.3 milyon yenə (təxminən 5 milyon 523 min manat) özünə müştəri tapıb.

Daha əvvəlki rekord 2019-cu ildə qeydə alınmışdı. Həmin vaxt tuna balığı 333.6 milyon yenə (təxminən 3 milyon 610 min manat) satılmışdı.

Ağlagəlməz qiymətə satılan balığı Tokioda yerləşən suşi restoranlar şəbəkəsi alıb.

Hərracın qalibi, restoranlar şəbəkəsinin rəhbəri bildirib:

"Bu tuna balığını görəndə yanından keçə bilmədim, ona görə də hərracda qalib gəldim".