Mütləq Döyüş Çempionatının (UFC) prezidenti Dana Uayt Həbib Nurməhəmmədovun karyerasını başa vurması ilə bağlı fikirlərini bölüşüb.

Oxu.Az bu barədə "Prince St Pizza"ya istinadən xəbər verir.

"Bizim çempionumuz müsəlman idi. Dünyada bir milyard müsəlman var, məsələ bunda deyil. Problem ondadır ki, o, müsəlman ölkələrinə - Səudiyyə Ərəbistanı, BƏƏ, Qətərə səfər edib və oralarda onu pula tutdular. Həbib o qədər çox qazandı ki, artıq döyüşməyə ehtiyac duymadı. Üstəlik, həmin dövrdə atasını itirmişdi və bu da onun üçün böyük sarsıntı oldu",- deyə Uayt vurğulayıb.

Xatırladaq ki, Həbib 2020-ci ilin oktyabrında yüngül çəki dərəcəsində UFC çempionu titulunu qoruyaraq karyerasını bitirmişdi.