Onun hakimiyyəti dövründə hetlər güclərinin zirvəsinə çatdılar. Fərat çayını keçdikdən sonra, I Suppiluiumanın rəhbərlik etdiyi ordusu Hurri ərazilərinə hücum etdi. Bu yürüş zamanı Kizzuwatna bölgəsi yenidən fəth edildi və Het Krallığına daxil edildi. Daha sonra I Suppiluiuma qoşunlarını Mitanniyə yeritdi. Hitlər tezliklə Mitanninin paytaxtı Vaşukannini ələ keçirdilər; Het kralı öz tərəfdarı Şattivasanı Mitanninin taxtına çıxardı və qızını ona ərə verdi.
I Suppiluiumanın şimali Suriyadakı uğurlu yürüşləri nəticəsində Mitanni Fəratdan qərbdəki bütün mülklərini itirdi. Beləliklə, I Suppiluiuma Mitanninin hakimiyyətinə son qoydu. Hələb və Karkemişi fəth etdikdən sonra I Suppiluliuma oğulları Piyassili və Telepinanı bu şəhərlərin taxtına çıxardı və beləliklə, Hələb və Karkemişdə Het sülalələrinin təməlini qoydu. Bir az sonra I Suppiluliuma hurrilərin də sahib olduğu Alalahı da fəth etdi. I Suppiluliumanın dövründə Het krallığı ilə Misir arasında dostluq münasibətləri mövcud idi. Buna sübut Het kralının firon IV Amenhotepe (Akhenaton) taxta çıxması münasibətilə ona göndərdiyi təbrik məktubudur.
Saken Beysenuly