Rusiranın Primorsk vilayətinin məhkəməsi fransız velosipedçi Sehili Rusiya sərhədini qanunsuz keçməkdə təqsirli bilib və onu 50 min rubl cərimələyib.
Bizimyol.info xəbər verir ki, bu barədə Rusiya mətbuatı məlumat verib.

Məbləğ əcnəbinin istintaq təcridxanasında keçirdiyi vaxt nəzərə alınmaqla hesablanıb, bundan sonra idmançı birbaşa məhkəmə zalında sərbəst buraxılıb.

Prokuror əvvəlcə Sehili üçün 100 min rubl cərimə tələb etsə də, məhkəmə vəziyyəti nəzərə alaraq onu 50 min rubla endirib. Müdafiə tərəfi idmançının həbsdən azad edilməsini və evə buraxılmasını istəyib və məhkəmə bunu təmin edib.

Mətbuata müsahibəsində Sehili ailəsinə müraciət edərək, tezliklə qovuşacağına ümid etdiyini bildirib və onları onun tezliklə azadlığa çıxacağına inanmağa çağırıb.

Fransanın “Le Monde” qəzetinin məlumatına görə, velosipedçi sentyabrın 6-da Vladivostokda saxlanılıb. İdmançı Avrasiyada velosiped sürmək üzrə dünya rekordunu qırmağa cəhd edib və iki dəfə bir-birindən təxminən 200 kilometr məsafədə yerləşən keçid məntəqələrindən Rusiyaya daxil olmağa cəhd edib.

Sehili 11 qələbəsi olan peşəkar velosipedçidir. 2022-ci ildə o, Kanadadan Meksika sərhədinə qədər 4500 kilometr məsafəni qət edən nüfuzlu Tour Divide yarışının qalibi oldu.

Həbs edilməmişdən əvvəl velosipedçi səyahətinin təfərrüatlarını paylaşıb.