ABŞ Prezidenti Donald Tramp bəyan edib ki, əgər İraq hökumətinə 2006-cı ilin mayından 2014-cü ilin avqustuna qədər baş nazir vəzifəsini tutmuş Nuri əl-Maliki yenidən rəhbərlik edərsə, Vaşinqton İraqa göstərilən dəstəyi dayandıracaq.

Oxu.Az xəbər verir ki, bu barədə o, "Truth Social" platformasında yazıb.

"Eşitmişəm ki, böyük İraq ölkəsi Nuri əl-Malikini yenidən baş nazir postuna qaytarmaqla çox pis bir qərar qəbul edə bilər. O, sonuncu dəfə hakimiyyətdə olanda ölkə yoxsulluğa və tam xaosa sürüklənmişdi. Buna yenidən yol vermək olmaz", - deyə o vurğulayıb.

Tramp əlavə edib ki, seçiləcəyi təqdirdə onun ağlasığmaz siyasəti və ideologiyasına görə ABŞ artıq İraqa kömək etməyəcək:

"Bizim yardımımız olmadan isə İraqın uğur, rifah və azadlıq əldə etmək şansı yoxdur".