Cari ilin yanvar-oktyabr aylarında icbari sığortalar üzrə 301 milyon 330 min manat sığorta haqqı ödənilib.

Valyuta.az xəbər verir ki, ötən ilin eyni dövrü ilə müqayisədə bu, 18 milyon  405 min manat və ya 6,5% artım deməkdir.

Ötən ilin yanvar-oktyabr aylarında icbari sığortalar üzrə 282 milyon 925 min manat sığorta haqqı ödənilib.

Bu ilin yanvar-oktyabr aylarında icbari sığorta üzrə ödənişlər 120 milyon 841 min manat olub ki, bu da keçən ilin eyni dövrü ilə müqayisədə 8 milyon 795 min manat və ya 7,8% artım deməkdir.

Nəzərə çatdıraq ki, ötən ilin yanvar-oktyabr aylarında 112 milyon 46 min manat icbari sığorta ödənişi həyata keçirilib.