Vəzifəli şəxsin sürücüsü jurnalist Səidə Vəliyevanı maşınla vuraraq hadisə yerini tərk edib...

AzFakt.com xəbər verir ki, bu barədə Səidə Vəliyevanı üzü sosial şəbəkədə məlumat yayıb. Xanım jurnalist bildirir ki, sürücü ona 200 AZN verərərək deyib ki, gedin həkimdən keçin.

Səidə Vəliyevanın postunu olduğu kimi təqdim edirik:

“Ölüm qaşla göz arasındadır. Bir anlıq köhnə karamel fabrikinin yanında, dörd yolun kəsişməsində qarşı tərəfdən gələn maşın məni vurdu və yerə yıxıldım. Maşında oturan adam isə rahat şəkildə əyləşmişdi. Ayağa qalxdıqdan sonra yaxınlaşdı. Hazırda sol qolum və sol ayağımda dəhşətli ağrılar var. Hələ də isti-isti qabırğalarım ağrıyır. Hadisə 05.12.2025 ci il

Sürücü isə ‘şikayət etmə, vəzifəli şəxsi gəzdirirəm’ deyə qeyd etdi. Beləsinə sürücülük vəsiqəsini kim verib? Bu insanın psixi durumu ümumiyyətlə yerindədirmi? 200 AZN atıb getdi ki, guya həkimlərdən keçərsiniz. İnsan həyatı ilə bu qədər oynamaq olarmı?" Hazirda sürücünün telefonu bağlıdır”.

Jurnalist xanım hadisə ilə bağlı Azərbaycan Respublikasının Daxili İşlər Nazirliyi "102" Xidmətinə məlumat verib-vermədiyinə isə aydınlıq gətirməyib.