Bu binada hər an yanğın baş verə bilər.

Xezerxeber.az xəbər verir ki, yağan yağış suları tavandan axaraq elektrik şitlərinin, sayğacların üzərinə tökülür.

Bu təhlükəli vəziyyət Paytaxtın Nərimanov rayonu Faiq Yusifov küçəsi, 201 ünvanında yerləşən binada yaşanır.

Bina sakinlərinin sözlərinə görə, 3 gündən çoxdur ki, bir neçə yerdən su damır, divarlar, tavan sıradan çıxır. Amma, gəlib baxan yoxdur.

İddiaya görə, ərazi üzrə Mənzil Kommunal İstismar Sahəsi sakinlərə sözügedən məslələrə onların nəzarət etmədiyi deyilib.

Sakinlərə deyildiyindən fərqli olaraq 116 Saylı Mənzil Kommunal İstismar Sahəsindən isə “Xəzər Xəbər”ə bildirildi ki, əraziyə baxış keçiriləcək, problem aradan qaldırılacaq.