"SERALLİ-TT" Məhdud Məsuliyyətli Cəmiyyətinin dövlət büdcəsinə külli miqdarda vergi borcu olduğu üzə çıxıb. 32gun.az-ın məlumata görə, müəssisənin hazırda 456 006,95 manat məbləğində ödənilməmiş vergi borcu yaranıb.

Xüsusilə vurğulanmalıdır ki, qanuni təmsilçisi Muxtarov Famin Şəbəddin oğlu olan şirkətin cəmi 5 manat nizamnamə kapitalı mövcuddur. Minimal kapitalla təsis edilən şirkətin yarım milyon manata yaxınlaşan bu borcu necə formalaşdırdığı və yaranmış maliyyə öhdəliyinin hansı fəaliyyət sahəsi ilə bağlı olduğu ictimaiyyət üçün maraq doğurur.