Vladimir Presnyakov korporativ konsert üçün 6 milyon rublluq tələblərini açıqlayıb

Rusiyalı müğənni Vladimir Presnyakovin konsert təşkilatçılarına tələbləri (rideri) Telegram kanalı “Zvezdach” tərəfindən yayımlanıb.

32gun.az xəbər verir ki, müğənni korporativ konsert üçün 6 milyon rubl tələb edir. Qeyd edək ki, əvvəllər onun şəxsi çıxışlarının qiyməti təxminən 1,5 milyon rubl olub. Presnyakovun komandasında 19 nəfər çalışır və təşkilatçı onların nəqliyyat, yerləşmə və qarderob xərclərini ödəməlidir.

Riderdə həmçinin aşağıdakı tələblər yer alıb:

İki şüşə konyaq, hər biri 10 min rubldan

Ağ quru şərab, ən azı 2 min rubl

Komanda üçün əlavə 6 şüşə qırmızı və ağ quru şərab, ən azı 1 min rubldan

Xüsusi marka əl kremi

Yalnız metal çəngəl-bıçaqlar

Bundan əlavə, Presnyakovun təxminən 250 milyon rublluq daşınmaz əmlakı olduğu da məlum olub.