İraqın Ankaradakı müvəqqəti işlər vəkili Türkiyə Xarici İşlər Nazirliyinə çağırılıb.

APA-nın Türkiyə müxbirinin verdiyi xəbərə görə, bu barədə XİN-in bəyanatında deyilir.

Qeyd olunub ki, İraq diplomatına Türkiyə tərəfinin notası təqdim edilib.

Notada İraq rəsmilərinin Türkiyə Silahlı Qüvvələrinin bu ölkənin şimalındakı antiterror əməliyyaytlarına dair etdiyi qərəzli açıqlamalarına və əsassız iddialarına etiraz bildirilib.