"Şəkərli diabeti olan insanlar xırnik (xurma) yeməyi məhdudlaşdırmalıdırlar. Səbəb bu meyvənin tərkibində şəkərin miqdarının çox olmasıdır".

Oxu.Az xəbər verir ki, bunu həkim-qastroenteroloq Yelena Pexotina "RİA Novosti" agentliyinə deyib.

Onun sözlərinə görə, həddindən çox xırnik qəbulu qəbizlik və qanda qlükoza səviyyəsinin yüksəlməsinə səbəb ola bilər.

"Şəkərli diabeti olan və qəbizliyə meyilli insanlar xurmanı məhdud miqdarda qəbul etməlidirlər, gündə bir və ya iki kiçik ədəd".

Məhdudiyyətlərə baxmayaraq, xurma antioksidantlar, karotinoidlər, C vitamini və kaliumla zəngin faydalı bir məhsul olaraq qalır. O damarları gücləndirir, maddələr mübadiləsini yaxşılaşdırır, bağırsaq və immun sisteminin işinə müsbət təsir göstərir.