Cənubi Koreyalı alimlər kariesin müalicəsi və dişlərin bərpasına yanaşmanı kökündən dəyişə biləcək texnologiya hazırlayıblar. Söhbət təbii dentin toxumasının bərpasını stimullaşdıra bilən yara bandından gedir. Bu bandlar dişləri yonmadan və ənənəvi plomblar olmadan müalicə edir.

Tədqiqat qrupunun məlumatına görə yeni yara bandı və ya jel dişin içindəki kök hüceyrələri aktivləşdirən xüsusi bioaktiv molekullar ehtiva edir.

Təmizlənmiş sahəyə tətbiq edildikdə, maddə bərpa prosesini işə salır və dişin zədələnmiş hissəni öz canlı materialı ilə doldurmasına imkan verir. Alimlər bildirirlər ki, bu texnologiya stomatoloji avadanlıqlara məhdud çıxışı olan ölkələr üçün əsl inqilab ola bilər.

Yonma və bahalı stomatoloji avadanlıqlardan imtina müalicəni xeyli sadələşdirəcək, prosedurların qiymətini azaldacaq və ağrı qorxusu ilə stomatoloqlardan uzaq duran milyonlarla insana kömək edəcək.

Bundan əlavə, dişi öz toxumaları ilə bərpa etmək plomblama materiallarına qarşı allergiya riskini aradan qaldırır və daha təbii nəticə təmin edir. Mütəxəssislərin qiymətləndirməsinə görə, bu metodika kariesin erkən mərhələlərində effektiv müalicəyə imkan verdiyi üçün çoxlu diş çıxarılmalarının qarşısını ala bilər.

Hazırda tədqiqatların son mərhələsi işlənir və klinik sınaqlardan keçir. Stomatoloji praktikaya tətbiqi beynəlxalq icazələr və təhlükəsizliyin təsdiqindən sonra gözlənilir.