Kölgənin Orijinala Çatması Mümkündürmü?
...Sürət parametrində də “Harop”un üstünlüyü danılmazdır. “Harop” maksimal 225 düyün, yəni təxminən 417 kilometr/saat sürətə çata bilir ki, bu da hədəfin HHM sistemləri tərəfindən vurulma ehtimalını əhəmiyyətli dərəcədə azaldır. “Dragonfly 3”ün sürəti isə 126 kilometr/saatdır, bu, “Harop”un sürətinin təxminən üçdə birinə bərabərdir. Aşağı sürətdə olan PUA müasir HHM sistemləri, radioelektron mübarizə vasitələri və hətta sadə atıcı silahlar üçün daha asan hədəfə çevirir.
...Döyüş yükü baxımından da fərq dramatikdir. “Harop” 23 kiloqramlıq döyüş başlığı daşıyır ki, bu da ona zirehli texnikanı, raket komplekslərini, radar stansiyalarını və digər yüksək dəyərli hədəfləri məhv etmə qabiliyyəti verir. “Dragonfly 3”ün döyüş yükü isə cəmi 5 kiloqramdır, bu, “Harop”un daşıdığı partlayıcının beşdə birindən azdır. 5 kiloqramlıq döyüş başlığı ilə ciddi zirehli hədəfləri və ya möhkəmləndirilmiş mövqeləri məhv etmək olduqca çətindir. Bu yük daha çox yüngül nəqliyyat vasitələrinə, açıq mövqelərdəki şəxsi heyətə və ya qorunmamış infrastruktura qarşı effektiv ola bilər.
Şahin Qocayev